Хэвлэлийн эрх чөлөөний мангасууд хэн бэ?

“Хил хязгааргүй сурвалжлагчид” байгууллага жил болгон хэвлэлийн эрх чөлөөнд халгаатай хүмүүсийн жагсаалтыг гаргадаг. 2025 оны “Хэвлэлийн эрх чөлөөний мангасууд” гаргалаа. Жагсаалтад 34 хувь хүн болоод байгууллагыг багтаажээ.

Жагсаалтыг Улс төр, Аюулгүй байдал, Хууль, эрх зүй, Нийгэм гэсэн ангиллаар гаргажээ.

“Тэд сэтгүүлчдийг хөнөөдөг, цензурддаг, баривчилдаг, айлган сүрдүүлдэг, зоддог, редакцийг санхүүгийн хувьд хянан боодог, сэтгүүлчийн мэргэжлийн нэр хүндийг гутаадаг, мэдээллийг гуйвуулах замаар үзэл суртлын пропаганда хийдэг. 2025 он мэргэжлийн сэтгүүлчид мангасуудын улам нарийсч буй арга залийн бай болсон жил боллоо” хэмээн Хил хязгааргүй сурвалжлагчид байгууллага онцолжээ.

Жагсаалтад олон жилийн турш чөлөөт хэвлэлийг дарангуйлж байгаа Ши Жиньпин тэргүүнтэй Хятадын Крммунист нам, Саудын Арабын удирдагч Мохаммед би Салман, Оросын Владимир Путин, Беларуссийн Александр Лукашенко зэрэг улстөрч, Бенжамин Нетаньяхугийн эрх барьж буй жилүүдэд 220 гаруй сэтгүүлчийг хөнөөсөн Израилийн арми, Мьянмарын Үндэсний авулгүй байдлын зөвлөл, Мексикийн Халискогийн шинэ үеийн картель зэрэг байгууллага, шүүхийн заргаар редазциудыг сөхрүүлж байгаа АНУ-ын Холбооны Харилцаа, холбооны комиссийн тэргүүн Брендан Карр, Капучийн Ерөнхий прокурорын орлогч Сен Хеанг зэрэг албан тушаалтан багтжээ.

Хэвлэлийн эрх чөлөөний мангасууд-2025

АНГИЛАЛ: УЛС ТӨР (Тэд улс орныхоо хэвлэл мэдээллийг багалзуурдсан)

1. Хаибатулла Ахундзада (Афганистан)

2. Владимир Путин (ОХУ)

3. Даниэль Ортега (Никарагуа)

4. Александр Лукашенко (Беларусь)

5. Ильхам Алиев (Азербайжан)

6. Али Хаменеи (Иран)

7. Николас Мадуро (Венесуэл)

8. Виктор Орбан (Унгар)

АНГИЛАЛ: АЮУЛГҮЙ БАЙДАЛ (Тэд сэтгүүлчдийн амийг хөнөөж, баривчлан саатуулж, биед нь халдсан)

9. Израилийн Хамгаалах арми (Израиль)

10. Хятадын Коммунист нам (БНХАУ)

11. Үндэсний аюулгүй байдлын зөвлөл (Мьянмар)

12. Мохаммед бин Салман (Саудын Араб)

13. Буркина-Фасогийн Хунт

14. Халискогийн шинэ үеийн картель (Мексик)

15. Александр Вучич (Серби)

АНГИЛАЛ: ХУУЛЬ, ЭРХ ЗҮЙ (Тэд сэтгүүлчдийг хууль, шүүхээр дарамталдаг)

16. Брендан Карр (АНУ)

17. Террорикмын эсрэг сан (Гватемала)

18. Сенг Хеанг (Кампуч)

19. Режеп Тайип Эрдоган (Турк)

20. Джон Ли Качхиу (Хонконг)

21. Оросын мэргэжлийн хяналтын алба

22. Конгломерат “Адани” (Энэтхэг)

АНГИЛАЛ: ЭДИЙН ЗАСАГ (Тэд хэвлэлийн редакциуд, хэвлэл мэдээллийн байгууллагуудыг дампууруулдаг)

23. “Alphabet” болон “Meta” (АНУ)

24. Бидзина Иванишвили (Гүрж)

25. Владимир Табак (Орос)

26. “Alden Global Capital” (АНУ)

27. Вильям Руто (Кени)

28. Венсан Боллоре (Франц)

АНГИЛАЛ: НИЙГЭМ (Тэд хэвлэл мэдээллийн нэр хүндийг зориудаар унагаж, сэтгүүлчдэд итгэх итгэлийг нураадаг)

29. Илон Маск (АНУ)

30. “Honest reporting” (Израиль)

31. Маргарита Симоньян (Орос)

32. “OpIndia” (Энэтхэг)

33. Хавьер Милей (Аргентин)

34. Роберт Фицо (Словак)