“Оросын цэргийн хувьд Крым там болж байна”

Украин 2025 оны сүүлийн саруудад эзлэгдсэн Крым дэх Оросын цэргийн дэд бүтцэд чиглэсэн системтэй, өндөр нарийвчлалтай цохилтуудаа улам эрчимжүүлэх болсон. Тэдний онилж буй байнууд гэвэл

• Агаарын довтолгооноос хамгаалах систем

• Радарын станцууд

• Шатахууны агуулах

• Зэвсгийн нөөц

• Логистикийн зангилаа, төмөр зам, холбоо.

Шинжээчдийн үзэж байгаагаар энэ нь тус, тусдаа довтолгоо биш, харин Крым дэх Оросын цэргийн чадавхийг системтэйгээр сулруулах стратеги юм.

Агаарын хамгаалалт сулрангуут Украин илүү гүн, илүү давтамжтай цохилт өгөх боломжтой болж, Крымийн логистик ноцтой доголдолд оржээ. Үүний улмаас Орос Крымийг хамгаалахын тулд агаарын хамгаалалтын хүчээ өөр бүс нутгаас татахад хүрч, өөрийн нутаг дэвсгэрийн хамгаалалтыг сулруулж байна.

Шинжээчид үүнийг Крымийг тусгаарлах, логистикийг саажуулах, ирээдүйн томоохон ажиллагааны нөхцөлийг бүрдүүлэх алхам гэж дүгнэж байна.