Нийгмийн дайсан хэн бэ: Зах зээлийн 15% уу, аль эсвэл 85% уу?

УИХ-аар хэлэлцэж буй Тамхины хяналтын тухай хуульд нэмэлт, өөрчлөлт оруулах тухай хуулийн төслийг тойрсон маргаан нийгэмд өрнөж байна. Зах зээлд цахилгаан болон янжуур тамхины эзлэх хувь ямархуу байна вэ?

Цахилгаан тамхи нийт зах зээлийн 15%-ийг эзэлдэг бол үлдсэн 85%-ийг янжуург олон жилийн турш янжуур тамхи эзэлж байна.

Янжуур тамхины голлох импортлогчид нь “Алтангадас” ХХК, “Волтам” ХХК юм.

Тэгвэл яагаад өнөөдөр хамгийн их хор хөнөөлтэй, хамгийн олон хэрэглэгчтэй, хамгийн том зах зээлийг эзэлдэг янжуур тамхины тухай биш харин зах зээлийн өчүүхэн хэсгийг бүрдүүлэгч 20 компанийн л тухай ярьж байна вэ?

Өнөөдөр өрнөж буй үйл явцыг харахад энэ нь эрүүл мэндийн асуудлаас илүүтэйгээр зохион байгуулалттай худал мэдээллийн кампанит ажилд их хэмжээний мөнгө зарцуулж байгаа харагдаж байна. Олон улсын батлагдсан баримтууд байсаар байтал зөвхөн нэг талын баримт нотолгоогүй, худал мэдээллийг тасралтгүй түгээж байгаа нь олон нийтийн санаа бодлыг зориудаар чиглүүлэх оролдлого гэх хардлагыг төрүүлж байна.

Хэрэв үнэхээр нийгмийн эрүүл мэндийг хамгаалах гэж байгаа бол зах зээлийн 85%-ийг эзэлдэг бизнесээс эхэлж ярих ёстой. Харин өнөөдөр хамгийн том тоглогчид чимээгүй үлдэж, жижиг нь бүх бурууг үүрч байна.

Энэ хууль батлагдсанаар эрхэм монгол хүний эрүүл мэнд, эрүүл байх эрхийг ноцтойгоор зөрчиж, хор багатай никотинтой бүтээгдэхүүнийг хэрэглэх ямар ч боломжгүй, зөвхөн утаат янжуур тамхийг хэрэглүүлэх нөхцөлийг бүрдүүлэх гэж  байна.