Н.Учралын онцлох эшлэлүүд: Би ямар нэг авлига, ашиг сонирхолд холбогдохгүй

МҮОНТ-ийн “Ерөнхий сайдаас шууд асууя” нэвтрүүлэгт Н.Учрал оролцлоо. Иргэдийн шууд асуултад хариулсан Ерөнхий сайдын онцлох эшлэлүүдээс хүргэе.

-Зэсийн АМНАТ бууруулах асуудал огт яригдаагүй.

-Оюутолгойн хэлэлцээрийн үр дүнд $12.5 тэрбумд хүрсэн байсан өрийг $8.2 тэрбум болгож бууруулж, ₮32 их наядын үр дүнд хүрлээ.

-Би 2009 онд байгуулагдсан гэрээнд сэтгэл дундуур байдаг юм. 17 жилийн хугацаанд хэлэлцээр хийдэг залуус олон болсноор үр дүн гаргалаа.

-Монгол Улс 53 хувийн өгөөжид хүргэж чадахгүй бол төслийг цааш явуулахгүй гэдгээ Ерөнхий сайдын хувьд Рио Тинтод хэлснээр нөгөө тал буулт хийж, хэлэлцээрт орсон.

-Ерөнхий сайдын ажлаа аваад шатахууны нөөц сав бэлтгэх ажлыг эхлүүллээ. Энэ жил төр, хувийн хэвшлийн түншлэлээр 150 метр\куб нөөцийн сав ашиглалтад оруулна.

-ОХУ-ын манайд гэрээ байгуулсан үнээрээ буюу хямд шатахуун нийлүүлж байгаа. Дотооддоо харин манайхаас өндөр зарж байгаа.

-Шатахууны 30 хоногийн нөөцтэй байна.

-Өвөлжилтийн бэлтгэлийг энэ жил эрт эхлүүлнэ. Ирэх жил багадаа 15 мянган тонн нөөцийн мах бэлтгэнэ. Бүх мэдээллийг нь ил тод хянана.

-Мах ногооны агуулах барих ажлыг дэмжинэ. Агуулах, зоорь барихад хөнгөлөлттэй зээл олгож дэмжинэ.

-Орон сууцны залилангийн асуудлыг ЦЕГ дээр тусгай ажлын хэсэг гарган шалгаж байна. Залиланд өртсөн бол хуулийнханд баримтаа авч очоод хандаарай. Би анхаарч ажиллана.

-Гадны банк орж ирснээр манай дэд бүтэц, орон сууцны гэсэн тухайлсан төслүүдэд хөрөнгө оруулалт гаргах зарчмаар ажиллана.

-Боловсролын зээлийн санг Хөгжлийн сан болгож өөрчиллөө. Эрэлттэй мэргэжлүүдэд төр санхүүжилт хийнэ.

-Хөдөлмөр эрхлэлтийг дэмжих хөтөлбөрийг банкаар дамжуулдаг ч хэдхэн хүн тойрч зээл авдаг. Үр дүнгүй болчихсон. Ирэх оны төсөв өргөн барихдаа илүү нээлттэй болгох зарчим баримтална.

-Би ямар нэг авлига, ашиг сонирхолд холбогдохгүй. Ард түмэндээ ил тод ажиллах болно. Шударга зарчимтай явна. Надад нууж хаах зүйл алга.

-Шүгэл үлээгчийг үргэлж хамгаална. Авлигын олон хэргийн материалыг хуулийнханд хүргүүлсэн. Хууль хяналтынхан одоо ажлаа хийе.

-Нарансэвстэй шинэ нээгдэх боомт. Салбар яам тусгай хамгаалалттай бүс гэж үзэж байгаа. Тодорхой шийдэл гараагүй. Иргэд зөвшөөрвөл нээнэ.

-Орон сууцны 30 хувийг нь гүйцэтгэсний дараа иргэдээс төлбөрөө авах ёстой гэдгийг хатуу хуульчилж өгч байна.

-Цаашдаа 6-12 хувьтай олон төрөлт орон сууцны хөтөлбөр хэрэгжүүлнэ.

-Намраас 1.5-2 их наяд төгрөгийг барилгын салбарт оруулна.

-Оронсууцны банк бол ипотекийн зээл олгохгүй. Арилжааны банкуудад ипотекийн зээл гаргахад хөрөнгө босгож өгөх зорилготой

-10 аймагт баригдаж буй ДЦС-ын ажлыг улсын төсвөөр санхүүжүүлж цааш нь явуулна. Солонгосын талын компани дампуурсны улмаас төсөл гацсан. БНСУ-ын Ерөнхийлөгч ирэхэд үүнийг ярилцана.

-Би хэлсэн бол хэлсэндээ хүрнэ. Ард түмнийхээ нүдэнд гэрэл бий болгохын төлөө ажиллах болно. Бидэнд сайхан ирээдүй бий.

-Багшийн хуулийг батлуулсны хувьд хуулийнхаа энхийн манаанд зогсоно. Туслах багшийн хуулиа ч хэрэгжүүлнэ.

-Хүүхдүүдийн сургалтын ялгаатай байдлыг арилгахын төлөө бүх боломжоо дайчлан ажиллах болно. Баялгийн сангаа хүүхдийн хөгжилд ашиглана.

-“Онтре” УИХ-аар орно. Хоёр тал хэлэлцээрийн ширээний ард сууна. УИХ-ын тогтоолыг Засгийн газар хэрэгжүүлэх үүрэгтэй. Засгийн газарт Их хурлын өмнөөс шийдвэр гаргах эрх байхгүй.

-Оюутолгой дээр гаргасан алдааг бид давтаж, 34 хувь ярихаас илүү АМНАТ-аар хувиа сольж, Баялгийн сантай холбоод явах нь зүйтэй.

-Энэ жил хэдийд ногдол ашгаа авах талаар “Рио”-той хэлэлцээрт орох ажлын хэсгийг Сангийн яам байгуулсан. Ногдол ашгийн дүнг намрын чуулганы эхэнд шийдчих байх.