Туулын хурдны замын төслийг шалгаж, хуулийн дагуу арга хэмжээ авахыг даалгажээ

“Хатан Туулаа хамгаалъя” иргэдийн хөдөлгөөнөөс Ерөнхий сайд Н.Учралд хандаж, Туулын хурдны замын төслийг зогсоож, нийслэлийн Засаг дарга Х.Нямбаатарт хариуцлага тооцохыг шаардсан. Шаардлагад Туулын бургасыг устгахыг даруй зогсоох, Засгийн газрын хэрэгжүүлэгч агентлаг Усны газрын дүгнэлтийг зохих ёсоор гаргуулаагүй, байгаль орчны нарийвчилсан үнэлгээг хуурамчаар үйлдсан байж болзошгүй асуудалд анхаарал хандуулахыг мөн хүссэн байдаг. Тэгвэл уг шаардлагын хариуг ЗГХЭГ-аас иргэдэд хүргүүлжээ.

ЗГХЭГ-аас Байгаль орчин, уур амьсгалын өөрчлөлтийн сайд Ц.Сандаг-Очирт хандаж, иргэдийн тавьсан шаардлагын дагуу хяналт шалгалтын ажлыг зохион байгуулж, хууль зөрчсөн байж болзошгүй нь тогтоогдвол холбогдох хуулийн дагуу арга хэмжээ авахыг даалгасан байна.