Украины ДРОН болон ПУУЖИНгийн хүчин чадал

Украины дрон болон пуужингийн үйлдвэрлэлийн “ил болсон” хүчин чадал/зорилтот хэмжээ хэр болсон бэ? Мэдээж, улс орнууд зэр зэвсгийнхээ хэмжээг нууцлах эсвэл зорилготойгоор дөвийлгөх явдал бий.  Юуны өмнө, олон тоо нь нууцлалтай тул албан мэдэгдэл, нэр хүндтэй хэвлэлүүдийн дурдсан ойролцоох тоон дээр үндэслэсэн тойм гэдгийг тодотгоё.

Дроны үйлдвэрлэлийн хүчин чадал

Украин 2024 онд гэхэд 1.7–2.2 сая дрон худалдан авсан, мөн үйлдвэрлэжээ. 2025 оны зорилтот худалдан авалт/дотоод нийлүүлэлт (FPV голчлон) нь 4.5 сая болжээ.

Сарын хэмжээ ойролцоогоор 200 мянгад хүрсэн байна. 2024 онд Украинд үйлдвэрлэсэн дронууд нь зэвсэгт хүчний ашигласан UAV-ийн 96% орчим гэж тайланд дурджээ.

“Shahed” сөнөөгч/интерцептор дроныг Украин олноор буюу өдөрт 1000 ширхэг үйлдвэрлэх зорилго тавьсан аж.

Пуужингийн тал дээр Украин тоо хэмжээг маш хязгаарлагдмал мэдээлдэг. Гэхдээ ил болсон гол баримтаас дурдвал 2024 онд  ойролцоогоор 100 ширхэг пуужин үйлдвэрлэсэн гэж Зеленський мэдэгдсэн байна. Мөн Батлан хамгаалахын сайд, албаны эх сурвалжуудын “эхний 100” гэсэн агуулга бүхий байр суурийг ч хэвлэлүүд мэдээлсэн байдаг.

Neptune (R-360) далайн бай/алсын тусгалт хувилбаруудын серийн/массын үйлдвэрлэл өргөжсөн, 2024 онд эхний 100 ширхэгийг үйлдвэрлэсэн байна.

Албан мэдээлэл Украин 2025 онд 3000 “далавчит пуужин эсвэл пуужин-дрон (missile-drone)” үйлдвэрлэх зорилт тавьсныг Kyiv Independent мэдээлсэн байдаг.

Өнгөрсөн 2024 онд гэхэд тус улсын пуужингийн үйлдвэрлэл “8 дахин өссөн” гэж Стратегийн үйлдвэрлэлийн сайдын мэдээлэлд тулгуурлан мэдээлсэн байна.

Орост эдийн засгийн уналт, хямрал үзүүлсэн энэ өвлийн дроны довтолгооны операци нь урьдчилсан тагнуулын дрон болон залуурт пуужинийн цохилт дээр үндэслэсэн байна.