Эмгэнэл: Монголын парламент галзуугийн тасаг болжээ

Японд парламентын гишүүдтэйгээ хариуцлага тооцох тогтолцоо нь маш өндөр ёс зүйн стандарт болон хатуу хуулийн зохицуулалт дээр тогтдог. Тэнд ёс суртахууны хариуцлага зөвхөн хуулийн шийтгэл бус, улс төрийн соёл, нэр хүндийн асуудал болж хувирдаг. Германд хууль тогтоогч өөрөө хуулиас дээгүүр байж болохгүй гэсэн зарчим үйлчилдэг. Өмнөд Солонгост иргэдээ доромжилсон, элдвээр хэлсэн улстөрчийг 5 хүртэлх жилээр хорих, эсвэл 10 сая хүртэлх воноор торгох заалттай. Харин үндэсний эв нэгдлийн эсрэг үг хэлсэн бол гишүүний бүрэн эрхийг нь цуцлаж, хуулийн хариуцлага хүлээлгэдэг.

Харин Монголын парламентын гишүүд халдашгүй дархан эрхийн ард хулгай хийнэ, авлига авна. Ард иргэдийнхээ эв нэгдлийн эсрэг үг-үйлдэл үзүүлнэ. Гадны парламентад ёс зүй нэгд бол Монголын парламентаас ёс суртахуун хайгаад ч олохгүй. Галзуу хүнд эрх мэдэл атгуулбал төр "галзуугийн эмнэлэг", нийгэм түүний туршилтын талбай болон хувирдаг. “Бүх амьтан тэгш эрхтэй" гэх манай улстөрчдийн амны уншлага болсон хоосон тунхаг төрийн ордны хаалгаар ороод л "гахайнууд илүү тэгш эрхтэй" болж өөрчлөгддөг. Ганц галзуу хүүхний үг-үйлдэл Монголын парламентыг галзуугийн эмнэлэг, гахайн хороо цаашаа болгож байна.

Парламентын гишүүдийн халдашгүй дархан эрх нь парламентын гишүүн чуулганы болон байнгын хорооны хуралдаан дээр хэлсэн үг, дэвшүүлсэн байр суурь, өгсөн саналынхаа төлөө хуулийн (эрүүгийн болон иргэний) хариуцлага хүлээхгүй гэсэн зорилготой болохоос үндэсний эв нэгдлийг бусниулах, нийгмийн аюулгүй байдалд халдах эрхтэй гэсэн үг биш.

Хэрэвзээ хуулийн засаглалтай, төр засагтай улс мөн бол Монголын парламентаас ёс суртахуун нэхэх, шаардах цаг болжээ. Үгүй бол дурын галзуучууд төрийн ордонд орж, улс орныг утгаар нь галзууруулах нь холгүй байна.

Үнэндээ “Монгол Улс Хятадад дагаар орох ёстой” гэж хэлсэн иргэн С.Молор-Эрдэнээс илүү Монгол Улсын эв нэгдэл, Үндэсний аюулгүй байдлын эсрэг үргэлж ажилласаар байгаа хууль тогтоогчидтой хуулийн хариуцлага хамгийн нэгд ярих ёстой юм. Тэгж байж л Монголд хуулийн засаглал тогтоно.

Түүнээс хууль тогтоох байгууллагад байхгүй ёс зүйг гудамжнаас, хууль тогтоогчдод байхгүй ёс суртахууныг иргэдээс нэхэх нь утгагүй. Тухайлбал, УИХ-ын гишүүн М.Нарантуяа гэгч сүүлийн үед үндэсний эв нэгдэл, үндэсний аюулгүй байдлын эсрэг ажиллагааг идэвхжүүлэх болсны ард хэний ямар ашиг сонирхол, хаанахын хүсэл зорилго байгаа вэ гэдгийг зүй нь Монголын цагдаа, тагнуулынхан шалгаж тогтоох ёстой юм.

Төр нь зэрлэгших юм бол нийгэм бүхэлдээ зэрлэгшинэ. Өнөөдөр Монголын нийгэмд сэтгэл сэрдхийлгэм, харгис, хүйтэн, онц ноцтой гэмт хэрэг гарч буйн үндсэн шалтгааныг галзуугийн эмнэлэг болсон УИХ-аас хайхад хүрч байна. Өөрөөр хэлбэл, улстөрчид хуулиас дээгүүр аашилж, нийгмийн аюулгүй байдалд халдаж эхэлбэл иргэдийн дунд "Хууль зөвхөн жирийн иргэдэд л үйлчилдэг" гэх бухимдал үүснэ. Энэ нь хууль дээдлэх ёсыг унагаж, иргэд өөрсдийн аюулгүй байдлыг хууль бус аргаар хамгаалах, гэмт хэргийн бүлэглэлүүдийн нөлөө нэмэгдэх, нийгэм даяараа анархизм руу гулсах эрсдэлтэй.

Дотоодын нийгмийн аюулгүй байдал суларч, талцал гүнзгийрэх тусам гэрийн гадаах геополитикийн болон аюулгүй байдлын дарамт нэмэгддэг. Гибрид довтолгоонд өртөмтгий болдог. Дотооддоо бутарсан, төрдөө итгэдэггүй нийгэм гаднын нөлөөлөлд хялбар автаж, тусгаар тогтнолд заналхийлэх эрсдэлтэй.

Тиймээс толгой дээр заларсан галзуучуудаа цэгцлэхгүй бол Монголын нийгэм бүхэлдээ галзуугийн эмнэлэг болж хувирах нь байна шүү!