Х.Нямбаатарыг огцруулах өргөн хэмжээний жагсаал Бямба гаригт болно

Туулын хурдын замын төсөл нь байгаль, экологийн хувьд асар эрсдэлтэй болохыг эрдэмтэн, судлаач нар хэлэх болсон. Улаанбаатарын ундны усны гол нөөц дээрээ нэг километр нь 70 тэрбум төгрөгийн өртөгтэй, нийтдээ 2.3 их наядын төсөвтэй хурдны зам барихыг олон нийт ч эсэргүүцэх болсон.

Иймээс иргэд нийслэлийн Засаг дарга Х.Нямбаатарыг огцруулахаар эсэргүүцлийн жагсаал зохион байгуулах болсон юм. Мөн Ерөнхийлөгч У.Хүрэлсүх, Ерөнхий сайд Н.Учрал нарт хандаж, нийслэлийн Засаг дарга Х.Нямбаатарыг ажлаас нь чөлөөлж, Туулын хурдны замыг шалгах шаардлага хүргүүлсэн.

Энэ сарын 4-нд буюу ирэх Бямба гаригт Х.Нямбаатарыг огцруулах өргөн хэмжээний жагсаалыг зохион байгуулахаар болжээ.

Б.БАТ