С.Амарсайхан 2 дахь удаагаа огцров

Хууль зүй, дотоод хэргийн сайд С.Амарсайхан удган Б.Булнайтай хэрэг наймаалцахыг завдаж буй бичлэг цацагдсан. Энэхүү дуулиан намжаагүй байхад ШШГЕГ-ын дарга А.Намсаманд түүнтэй холбоотой баримтуудыг ил болгосон. Хууль зүй, дотоод хэргийн сайд С.Амарсайхан өчигдөр хэвлэлийнхэнд мөн хариу тайлбар хийж, энэ бүхний ард Г.Занданшатар бий болохыг мэдээлсэн. Харин Ерөнхий сайд асан Г.Занданшатар түүний баримтуудыг няцааж, нүүр номоороо дамжуулан тэмцэхээ зарлав.

Тэгвэл Ерөнхий сайд Н.Учрал өнөөдрийн /2026.09.16/ Засгийн газрын хурлаар Хууль, зүй дотоод хэргийн сайд С.Амарсайханыг албан тушаалаас нь чөлөөлж буйгаа мэдэгдлээ. Уг мэдэгдэлд “Төрийн тусгай чиг үүргийг гүйцэтгэдэг, улс орны дотоод аюулгүй байдлыг хариуцсан салбар хэвийн үйл ажиллагаа явуулах боломжгүй болсон байна. Яригдаж буй асуудлуудын үнэн зөвийг тогтоотол холбогдох шат, шатны удирдлагуудтай Засгийн газар хамтран ажиллах боломжгүй. Иймд Хууль зүй, дотоод хэргийн сайд, харьяа байгууллагын дээд, дунд шатны зарим удирдлагуудыг хамтад нь ажлаас чөлөөлж байна” гэжээ.