Уул уурхайн бүтээгдэхүүнийг арилжаалах журмуудын мөрдөгдөх хугацааг сунгалаа

Санхүүгийн зохицуулах хорооны 2026 оны 3-р сарын 26-ны өдрийн 88 дугаар тогтоолоор Уул уурхайн бүтээгдэхүүний биржийн арилжааны журам, Уул уурхайн бүтээгдэхүүний биржийн арилжааны төлбөр тооцооны журмуудын дагаж мөрдөх хугацааг 2027 оны 4-р сарын 1-ний өдрийг хүртэл сунгалаа.  

Энэхүү шийдвэрийг гаргахдаа Санхүүгийн зохицуулах хорооны эрх зүйн байдлын тухай хуулийн 6 дугаар зүйлийн 6.1.1, 6.2.10, Уул уурхайн бүтээгдэхүүний биржийн тухай хуулийн 9 дүгээр зүйлийн 9.2 дахь хэсгийг тус тус үндэслэсэн байна.