АН-ын ЕНБД-ын үүрэг гүйцэтгэгчээр С.Баярцогтыг томилжээ

Ардчилсан намын Улс төрийн зөвлөл өнөөдөр (2026.04.15) Төрийн ордонд хуралдсан байна. Ардчилсан намын дарга О.Цогтгэрэл Улс төрийн зөвлөлдөө тус намын Ерөнхий нарийн бичгийн даргын үүрэг гүйцэтгэгчээр С.Баярцогтын нэрийг санал болгосон байна. УТЗ-ийн хуралд оролцсон 32 гишүүнээс 23 нь дэмжиж, 73%-ийн саналаар С.Баярцогтыг АН-ын Ерөнхий нарийн бичгийн даргын үүрэг гүйцэтгэгчээр томилсон байна.

Үүний өмнө ҮБХ-ндоо Ардчилсан намын дарга О.Цогтгэрэл генсект Д.Амарбаясгаланг томилуулах санал оруулсан ч олонхын дэмжлэг авч чадалгүй унасан байдаг. Мөн АН-ын бүлгийн зөвлөх А.Батпүрэвийн нэрийг санал болгосон ч ҮБХ-ны гишүүд хэлэлцээгүй юм.