БЗД-ийн АН-ын анхан шатны байгууллагын гишүүдийн зөвлөгөөн болов

Ардчилсан нам удахгүй бүх шатандаа дотоод сонгууль явуулж, бүтэц бүрэлдэхүүний шинэчлэл хийхээр зорьж байгаатай холбоотойгоор 2026 оны 1-р сарын 24-нд Баянзүрх дүүргийн Ардчилсан намын анхан шатны гишүүдийн уулзалт зөвлөгөөн боллоо. Зөвлөгөөнд 500 гаруй гишүүд оролцсон байна.

Намын шинэ дүрэм хэрэгжиж эхэлсэнээр дүүргийн намын дарга огцорсонд тооцогдсон бөгөөд, намын даргын үүргийг хамгийн ахмад настай дэд дарга орлон гүйцэтгэх дүрмийн заалтын дагуу Баянзүрх дүүргийн намын дэд дарга Х.Эрдэнэсайхан, дүүргийн намын хорооны тэргүүлэгчид, Баянзүрх хөгжлийн форумын тэргүүн М.Тулгат нар тус зөвлөгөөнийг санаачлан зохион байгуулсан байна.

Шинэ дүрмийн талаарх танилцуулга, удахгүй эхлэх гишүүнчлэлийн үндэсний аян, 3-р сард болох дотоод сонгуулиудын талаар мэдээлэл өгч, гишүүдийн дунд чөлөөт уулзалт, хэлэлцүүлэг өрнөлөө.

АН-ын шинэ дүрмийг Улсын Дээд шүүх 2026 оны 1-р сарын 9-нд бүртгэж авснаар шинэ дүрэм албан ёсоор мөрдөгдөж эхэлсэн. Үүнтэй холбоотойгоор намын Ерөнхий нарийн бичгийн дарга Н.Ганибал ажлаа өгсөн бол, 2024 оны аймаг, дүүргийн ИТХ-ын сонгуулиар ялагдсан дунд шатны намын дарга нар огцорсонд тооцогдож байна. АН-ын шинэ Үндсэн дүрмийн 54.6-д заасны дагуу хамгийн ахмад настай тухайн шатны дэд дарга түр орлон гүйцэтгэх боломжтой юм. УИХ дахь АН-ын бүлгийн 2026 оны 1-р сарын 15-ны Пүрэв гаригт хийсэн 4:11 мэдээллийн цагаараа намын дарга О.Цогтгэрэл удахгүй болох “Нээлттэй, цэгцтэй Ардчилсан нам” үндэсний аян, түүний араас орон даяар явагдах дотоод сонгуулийн талаар мэдээлэл өгсөн билээ. Үндэсний аяны хүрээнд намын нийт гишүүдийн шинэчилсэн бүртгэл цахим системээр явагдаж, мөн шинэ гишүүдийг элсүүлж, намынхаа эгнээг өргөжүүлэх ажиллагаа өргөн далайцтай явагдах юм.

Баянзүрх дүүргийн Ардчилсан намын хорооны тэргүүлэгчдийн бүрэлдэхүүнд дараах гишүүд ордог байна: