NTV Телевиз JTI гэрчилгээ авлаа

Жил бүр олон улсын хэвлэлийн эрх чөлөөний индексийг тодорхойлж буй  “Хил хязгааргүй сэтгүүлчид” (RSF) байгууллагаас Европын Стандартчиллын хорооны ивээл дор JTI стандартыг 2018 онд нэвтрүүлсэн байдаг. Journalism Trust Initiative /JTI/  батламжийг  Хэвлэл мэдээллийн салбарын олон улсын ISO стандарт гэж нэрлэж болох юм Тэгвэл  20 жилийн ойгоо тэмдэглэхээс хэдхэн сарын өмнө Монголын өргөн нэвтрүүлгийн байгууллага NTV Телевиз  олон улсын аудитын Deloitte компаниар баталгаажсан Journalism Trust Initiative (JTI) гэрчилгээ хүртлээ.  Ингэснээр NTV нь Монгол Улсад JTI гэрчилгээ авсан дөрөв дэх хэвлэл мэдээллийн байгууллага болж, хамгийн өргөн хэрэглэгддэг мэдээллийн хэрэгсэл болох телевизийн салбараас анхны гэрчилгээ авсан байгууллага боллоо.